جبال الخوف..شعر عامية...الهام شرف

فوق جبال الخوف
بيسكن قلبي في الملكوت
يهاب الموت فيستعوذ 
على أمل انه ماشي ف سكة فيها القوت
وبيسمي على ان البيبان هتشق بطن الحوت
فتتفتح
وانا وسط دا كله بسرح
كأني واقفة ع المسرح
وبدعي بدون ما حد حتى يسمعني
لكن فجأة بلاقي صوتي واصل فوق
ويوصلني الصدى يجرح
فيتوضا
ووسط وضوئي بغسل ايدي كم مرة
واحط الكف على وشي
وأنا أدرى
ﻻنك طبع إنساني
ومن تاني تقول هنعود
ما فيش عودة من الآخر
وبتكلم كلام بيصدر مني
مش الجان
أقف عندك وكلمني
لا انا منك ولا انت حتى هتكون مني
وعصياني يطمني
عصا موسى موسى بتتحول
لكن إنك تحولني!!!!
دا وهم فيك ما يطلعش كمان بالموت
الهام شرف