رباعيات أدبية ... للشاعر المتميز / مصطفي فريد

رباعيات / ادبيه
للشاعر /مصطفى فريد

يامدعين الأدب فين الأدب منكم
لا طعم فى اللى انكتب ولا حد فاهمكم
جوه بحور جهلكم تاهت قوافيكم.
وانهد حيل الادب بخراب ضمايركم

مش كل واحد كتب سطرين صبح شاعر
ولا كل ماسك قلم بين السطور واعر
ولا كل من داق ألم يقدر يحس الناس
الحب دا موهبه ودراسة ومشاعر

يا جاهل زمانك بيصعب عليه غبائك ساعات
ولما فى جهلك بيرمح طاووسك بتنسى اللى
دا مين دا اللى قالك بجهلك هتقدر تفوق الكبار
وتكتب مشاعر تعلم بإسمك لبعد الممات

مزعت توب الاصول وجاوزت حد الأدب
وواجب علينا نرد بإيدينا حقوق الأدب
مادام عم بيرم وشوقى وصلاح تلامذه فى رحابك
اسمح لى اقول لك دا يبقى تطاول وقلة ادب

ركبتوا للنمله ديل وقلتوا رمزيه
ورفعتوا شبه الجمل وكسرتوا فعليه
ياللى ابتلاكوا العبط والجهل بالكيله
خلوا حداكم ادب ما احناش افنديه