طبعا كلنا شيفين وحسين ان اليوم دلوقتى مافيهش
يادوب الواحد يروح شغله يشتغل شويه ويشرب كباية شاى تلاقى اليوم عدا من غير ماتحس بيه ..يدوب خلصت شغلى وراجع البيت..لقيت حمارة يويو جارى مقبلانى وباين عليها الغضب والزعل وعفاريت الدنيا كلها فى وشها
قولتلها ايه مالك حصل ايه يارهوانه. ماردتش حصل ايه يارهوانه مردتش روحت مطبطب على ضهرها وقولتلها طب تعالى وروحت ماشى معاها لما وصلنا للمصطبه بتاع بتنا ..وروحت قاعد وقولتلها بس قوليلى ايه اللى حصل انتى عارفه انا بحبك قد ايه وانتى عندى غاليه قد ايه راحت قيلالى ماتزعلش منى وحياة غلاوتى عندك .قولتلها مش هازعل بس اعرف الاول ايه اللى حصل..قالتلى ابدا امبارح جه واحد محترم كده يسأل عليك وجايبلك دعوه علشان تروح بيها ندوه مهمه دا الراجل اللى قالى كده. قولتلها وبعدين قالتلى ابدا قولت اروح انا بدالك اصل انت كنت جاى تعبان من الشغل وقولت لنفسى اروح مره كده وسط الناس المحترمه دى واجرب الجو ده...ههها وبعدين روحت بس وقفت بعيد بس كنت سامعه الكلام بتاعهم
هههها وبعدين سمعت واحد بيقول الندوه دى للشباب علشان نعينهم ونخليهم كوادر لشغل اماكن مهمه قولتلها ههها .قالتلى ازاى بس دا احنا الوزير الشاب عنده 75 سنه...قولتلها احنا مالنا ياام لسان طويل وبعدين قالتلى ابدا وواحد من الحاضرين قال للراجل ابو بدله وكرفته احنا عايزين الاحزاب تساعد الشباب ..راح رادد عليه وقالوا انت فاكر ان الاحزاب دى جمعيات اهليه تجيبلك زيت وسكر ولا ايه ههها قالتلى روحت دخله عليه وقولتلوا ان مكنش الاحزاب تقف جنب الناس فى الازمات والكوارس امال هايقف امتى هوه الريس الاسبق مبارك لماحصل زلزال اكتوبر ١٩٩٢ مش ساب الصين ورجع يقف جنب الناس هو اعضاء البرلمان فى كل مصر لما جوم وجابوا انابيب غاز للناس فى ازمة الغاز مش ده بردوا يحسب لهم امال ومش المفروض ان رئيس الوزاره وجميع الوزراء بردوا يقفوا مع الناس فى الازمات ولا هايقولوا احنا مش جمعيه اهليه وهو مش المفروض ان الاحزاب يقفوا جنب الناس بردوا فى الازمات ولا هوه الاحزاب بدل وكرفنات ووجاهه وبس قولتلها يخرب بيتك احنا مالنا ومال الكلام ده يارهوانه احنا مطلوب منا نروح الندوه نسمع ونسقف ونشرب الشاى والعصير ونمشى ايه اللى خلاكى اتكلمتى وبعدين انتى دخلتى ازاى وانتى حماره
راحت بصالى بصره طويله وقالتلى ماهو انا لبست بدله وكرفاته ودخلت وحمير كتير عملت زييى ودخلوا وسط الناس المحترمه ومحدش عرف ده من ده وبعدين ياام لسان طويل قصدى ياام ديل طويل قالتلى معجبنيش الكلام انا وكام حماره زييى سبناهم قةعدين ومشينا بس انا خايفه تزعل منى وتتعصب عليه وتطردنى ومتتكلمش معايا تانى..
قولتلها ولايهمك المهم حد عرفك قالتلى لاءه قولتلها حصل خير بس ماتعمليش كده تانى
علشان لو حد عرفك هايودينى فى ستين داهيه
قالت توبه من دى النوبه
ليست هناك تعليقات:
إرسال تعليق