شجرة الشبيط بقلم : السيدابوطاحون _____________

شجرة الشبيط بقلم : السيدابوطاحون
_____________
جوه عيونك بتولد من تاني
يا لحظة الفرح اللي كات نسياني !
وبتخرجي مني .. 
نجمة وطالعة للسما السابعة
سكانة في شباكي
متلجمة بخوف السنين الرايحة
بصه علي اليوم اللي جاي بخوف
والخوف بيسكن ف النجوم اليوم
والتوم مسافر في جبين القمح
والشمس مولودة ف غيطان الفقر ..
_________
وبعوده !!
وبعوده يا كل اللي سارح غيطه
وبعوده يا كل اللي فارد خيطه
وبعوده يا كل اللي ساند حيطه
وبعوده يا كل اللي رافع سوطه
علشان متدخلش الكلاب الغيط !!
_________
يا شجرة الشبيط ..
ما تخبليش القطن ف ايدين العيال
أنا اللي فاهمك من زمان القلع
وأنا اللي قلعك من جدور الضلع
وأنا اللي خبيت التمني ف قلبي
كي لا تشوفه الغولة جوه عنيه ..
_________
وسندت حيطي ..
ف الزمان المايل
ريح الزنا بتعانق المواويل
والخيل بيرقْص لإمتداد الليل
والراس بتاخد وضعها في الديل
والديك بيدن في البيوت الصم
 الديك بيدن فى البيوت الصم !!

**********************

#شجرةالشبيط
#السيدابوطاحون