يا بيشوي الشهادة الاعدادية
صارت شهادة الفرحة الأبدية
اختارك من بين اللي ف سنك
عشان انت مميز و مفيش منك
و اعظم شماس و ابن الطاعة
طالع لابوك رضا ف الوداعة
دراعه اليمين و دايما ف ضهره
يهمه امرك و يهمك امره
ازاي هتعيش ف عالم
قل غناه و زاد فقره
خادم الكشافة ..
من صورته طيبته متشافة
و يوم ما يزعل ؛ بأقل كلمة
عينيه تلمع زي النجمة
و يتصافى !
و افتكر ان اخوك يوسف
محصلش انه اتصاب
هو اتساب
عشان يحقق أحلام
كان نفسك انت فيها
فا هو هيسعي ليها
و اكيد قبل ما بينام
بيفتكر الطموح ف الاردن
اللي كان عند ابوكم رضا
هو يتعب و ربه يحضن
المسالمة ف قلبه تسكن
ما كان وديع
مش ممكن سيرته تضيع
هنفتكره اكتر
اللي وقف قصاد القنصر .. اسد
و رفض يتأثر
كان ف عز مرضه لاهله .. سند
من كل المرضي اتقصد
ميعيشش الأيام المعدودة
ربك فتحله سكة مسدودة
و سفره للأيام الدايمة
فا قابل الملايكة الموجودة ! ♥️
" ديفيد منيب "
ليست هناك تعليقات:
إرسال تعليق